الناس اللي بتزرع .. خصوصا لو بتزرع في تربة في أرض مش أصيص صغير ..
بيلاقوا دايما حشائش ضارة بتنمو وسط الزرع.
ميعرفوش جت منين ولا بتكبر ازاي!!
بس لو سابوها بتتمدد جوه الأرض .. وتوصل لجذور باقي النباتات في الأرض .. وتسممها.
فبيبقى دور الشخص إنه كل فترة ياخد جولة في الأرض كلها يبص ع الحشائش دي ويشيلها من جدورها.
فيه مشاعر وأحداث بنمر بيها بتداويها الأيام،
كل ما الوقت يمر .. بتتعافى منها بالتدريج.
الغضب مش واحد منهم ✋🏻
الغضب شعور بيزيد بمرور الأيام .. مش بيختفي
ولو متعالجش .. ف انت حرفيا بتعرّض نفسك للخطر 🚫
بمرور الوقت بيبدأ الغضب يمتد جوه نفسك .. ويتحوّل لحاجات مكنتش تتخيل إنها تبقى جواك ..
حقد .. غل .. غيظ .. شعور بالكراهية
وتلاقي قلبك بيتغير ونفسك بتتحول لحاجة انت مش عارفها!!
ويمكن تبدأ تكره نفسك إنك حاسس بكل ده.
فلو عاوز تحمي قلبك ونفسك .. وتحافظ على سلامتك النفسية،
بلاش تسيب الغضب جواك
خرّجه وتخلص منه أول بأول، زي الأرض اللي صاحبها بينقيها من الحشائش الضارة علشان يحمي باقي النباتات.
من الاستراتيجيات اللي تساعدك جدا في التخلص من الغضب بشكل صحي:
1️⃣ طلّعه قدامك ..
لازم الغضب يطلع من جواك ويتحط قدام عنيك.
مهما كنت عارفه ومعتقد انك شايف كل تفاصيله .. بيفضل فيه أجزاء مهمة فيه مستخبية عنك،
مش بتعرف تشوفها غير لما تطلّعه من جواك .. وتحطه قدام عنيك
ازاي تعمل كده؟؟
🔸️ اكتبه .. بكل تفاصيله على ورق.
🔸️ أو احكيه لحد بتثق في حكمته ورأيه .. مش أي حد.
2️⃣ اختبره ..
ضروري جدا تفحص الغضب بتاعك بتفاصيله كويس.
تعرف أنهي أجواء فعلا حقيقية ..
وأنهي أجزاء كان فيها مبالغات وتوقعات وتخمينات منك ممكن تكون مش حقيقية 💯
ازاي تعمل كده؟؟
🔸️ لو كتبته .. استنى وقت تكون هادي فيه تماما،
ومشاعرك متزنة ..
وارجع اقرا تفاصيل الغضب ..
حتلاقي نفسك قادر تحدد أجزاء كتير منه حقيقية وحصلت زي ما هي كده في الواقع ..
وأجزاء تانية فيها مبالغة وتضخيم شوية.
🔸️ولو بتحكي لحد تثق في حكمته .. اطلب منه يقولك رأيه ف اللي سمعه منك .. أو يناقشك فيه
وبرضو ده حيساعدك كتير تشوف الحقيقة .. وتحط أشباء كتير في حجمها الحقيقي 👌🏻
3️⃣ تنقية المشاعر السلبية ..
تراكم المشاعر السلبية داخل النفس ليه آثار خطيرة جدا علىالسلامة النفسية للإنسان.
فضروري يكون ليك مجموعة أدوات يومية بتستخدمها تخرّج بيها المشاعر السلبية أول بأول.
اكتب كل الطرق والأدوات اللي نجحت معاك في السابق، وابدأ استخدمها بشكل يومي.
وتقدر تتعلّم أدوات واستراتيجيات جديدة لفهم المشاعر السلبية وتقليلها من خلال كورس (أنا ومشاعري) المخصص للتعامل مع المشاعر بكل أنواعها.
من الاستراتيجيات اللي تساعدك جدا في التخلص من الغضب بشكل صحي:
1️⃣ طلّعه قدامك ..
لازم الغضب يطلع من جواك ويتحط قدام عنيك.
مهما كنت عارفه ومعتقد انك شايف كل تفاصيله .. بيفضل فيه أجزاء مهمة فيه مستخبية عنك،
مش بتعرف تشوفها غير لما تطلّعه من جواك .. وتحطه قدام عنيك
ازاي تعمل كده؟؟
🔸️ اكتبه .. بكل تفاصيله على ورق.
🔸️ أو احكيه لحد بتثق في حكمته ورأيه .. مش أي حد.
2️⃣ اختبره ..
ضروري جدا تفحص الغضب بتاعك بتفاصيله كويس.
تعرف أنهي أجواء فعلا حقيقية ..
وأنهي أجزاء كان فيها مبالغات وتوقعات وتخمينات منك ممكن تكون مش حقيقية 💯
ازاي تعمل كده؟؟
🔸️ لو كتبته .. استنى وقت تكون هادي فيه تماما،
ومشاعرك متزنة ..
وارجع اقرا تفاصيل الغضب ..
حتلاقي نفسك قادر تحدد أجزاء كتير منه حقيقية وحصلت زي ما هي كده في الواقع ..
وأجزاء تانية فيها مبالغة وتضخيم شوية.
🔸️ولو بتحكي لحد تثق في حكمته .. اطلب منه يقولك رأيه ف اللي سمعه منك .. أو يناقشك فيه
وبرضو ده حيساعدك كتير تشوف الحقيقة .. وتحط أشباء كتير في حجمها الحقيقي 👌🏻
3️⃣ تنقية المشاعر السلبية ..
تراكم المشاعر السلبية داخل النفس ليه آثار خطيرة جدا علىالسلامة النفسية للإنسان.
فضروري يكون ليك مجموعة أدوات يومية بتستخدمها تخرّج بيها المشاعر السلبية أول بأول.
اكتب كل الطرق والأدوات اللي نجحت معاك في السابق، وابدأ استخدمها بشكل يومي.
وتقدر تتعلّم أدوات واستراتيجيات جديدة لفهم المشاعر السلبية وتقليلها من خلال كورس (أنا ومشاعري) المخصص للتعامل مع المشاعر بكل أنواعها.