- ماما ممكن أشرب صودا بكرة في الرحلة؟
= ليه بتسأذنيني يا مريم وأنا كده كده مش حكون معاكي .. وتقدري تعملي اللي انتي عاوزاه!
-لأن انتي مش حتكوني شايفاني بس ربنا شايفني 😊
= صح يا نور عيني .. طيب أنا إجابتي زي كل مرة .. أنا رافضة ده وأتمنى متعمليهوش علشان الصودا مضرة جدا للصحة 🚫
بس هو قرارك انتي تاخديه وتتحملي نتيجته.
أول ما خلفت (مريم) أول حد من أولادي التلاتة .. كان بيتقالي جملتين بسمعهم في بيوت كتير أوي
والجملتين كانوا مرفوضين بالنسبالي تماما من أول يوم ..
(دول بتوعك .. ربنا يخليهملك)
(انتي بتاعتهم .. ربنا يخليكي ليهم)
الحقيقة إن ولادنا مش بتوعنا .. مش ملكنا .. ولا احنا ملكهم طبعا ..
ولادنا أمانة عندنا ..
بعدها بيخرجوا للدنيا يواجهوها ويعيشوا الحياة اللي هم حيصنعوها باختياراتهم.
الإنسان السوي القوي ..
مهم جدا يكون ليه في حياته مرجعية يعرف منها الصح والغلط ..
وطريقة تفكير تساعده يقرر لنفسه .. ويختار الاختيارات اللي تفيده في حياته مش تدمرها.
دورنا بقى كآباء إننا نعلّم الطفل ازاي يفكر .. ازاي يختار لنفسه ويصنع قراراته
نعلّمه ايه مرجعيته اللي يرجعلها كل يوم في كل تفصيلة من حياته
ده اسمه بناء شخصية قوية في الطفل.
طيب ازاي نعمل كده؟!
بتدريبهم على الاختيار لنفسهم وصنع قراراتهم💯
الغلطة اللي بيقع فيها آباء كتير .. إنهم بيقوموا بالدور ده نيابة عن أولادهم طول الوقت.
هم اللي يقولوا ايه صح وايه غلط .. ايه ينفع وايه مينفعش ..
هم اللي يقرروا ويختاروا ويوجّهوا في كل شيء ..
ودور الطفل إنه (يسمع الكلام).
دورنا الحقيقي كآباء مش إننا نخليهم يسمعوا كلامنا ..
دورنا إننا نسمحلهم يختاروا ويغلطوا وهم في حضننا ..
يقعوا ويتعثروا وهم لسه تحت سقف بيوتنا ..
من غير ما نشيل بدالهم النتايج ولا نخفف عنهم عواقب اللي بيحصل ..
نحتويهم ونقبلهم من غير ما نشيل عنهم غلطهم.
وعلشان تعرف تعمل ده محتاج تشتغل على حاجتين:
تتعلم أدوات وطرق صحية تدربهم بيها على اتخاذ القرارات.
تسمح ليهم بممارسة الاختيار .. ولو غلطوا تحتويهم من غير ما تشيل عنهم عواقب وأضرار اختيارهم الغلط.
وتقدر تتعلم أكتر ازاي تبني شخصيات قوية في أولادك
باشترك في الكورس التربوي Enjoy Your Parenting
اللي بيعلمك ازاي تفهم شخصيات أولادك
ايه نمط كل طفل منهم
نمط شخصيتك كأب/ أم
ازاي تتحكم في عصبيتك كمربي
كيفية بناء شخصيات قوية لدى الأبناء ..
وغيرها من الموضوعات
اللي بيعلمك ازاي تفهم شخصيات أولادك
ايه نمط كل طفل منهم
نمط شخصيتك كأب/ أم
ازاي تتحكم في عصبيتك كمربي
كيفية بناء شخصيات قوية لدى الأبناء ..
وغيرها من الموضوعات